Disk Management အသုံးပြု၍ Partition ခွဲထုတ်နည်း

          Data C တစ်ခုသာပါရှိသော စက်များအတွက် Partition ခွဲထုတ်နည်းကို မျှဝေပေးသွားမှာ ဖြစ်ပါတယ်။

          ပထမဦးစွာ ထိုသို့ C တစ်ခုတည်းကို အသုံးပြုခြင်းအားဖြင့် အောက်ပါ အားနည်းချက်များ ဖြစ်ပေါ်စေနိုင်ပါသည်-

(က)    Data C အနေဖြင့် Computer တစ်ခုလုံး၏ စက်လည်ပတ်မှုများအပြင် အချက်အလက်များကိုပါ ထိန်းသိမ်းပေးရသဖြင့် software များအသုံးပြုရာတွင် လေးလံခြင်း။

(ခ)     Window error တစ်ခုခုဖြစ်ပေါ်လာပါက မိမိ၏ အရေးကြီး Data များ ပြန်လည်ရယူရန် ခက်ခဲခြင်း။

ထို့ကြောင့် မိမိတို့အနေဖြင့် Data D ခွဲထားရန် လိုအပ်လာပါသည်။

Data D ခွဲထုတ်နည်း

ပုံတွင်ပြထားသည့်အတိုင်း Start Menu တွင် Right Click ထောက်၍ Disk Management ကို နှိပ်ပါ(ပုံ-၁)။

(ပုံ-၁)

Disk Management box ကျလာပါက Windows SSD(C:) အား Right Click ထောက်၍ Shrink Volume ကို နှိပ်ပါ(ပုံ-၂)။

Data C မှ သူ ခွဲဝေပေးနိုင်သော Space အား ပြသလာပါမည်(ပုံ-၃)။ ကျွန်တော့်တွင် D ခွဲပြီးသား ဖြစ်၍ အနည်းငယ်သာ ပြသခြင်းဖြစ်ပါသည်။ ထို့နောက် Shrink အား နှိပ်ပါ။

(ပုံ-၃)

မိမိခွဲထုတ်လိုက်သော ပမာဏအား အမဲရောင်ဖြင့် ပြသပါမည်(ပုံ-၄)။

(ပုံ-၄)

ထို့နောက် ၎င်း အမဲရောင် အကွပ်ပေါ်တွင် Right Click ထောက်၍ New Simple Volume ကို နှိပ်ပါ(ပုံ-၅)။

(ပုံ-၅)

 ကျလာသော Box တွင် Next >> Next >> ပေး၍ မိမိကြိုက်နှစ်သက်သော အမည်အား (ပုံ-၆)တွင် ပါရှိသည့်အတိုင်း ရွေးချယ်နိုင်ပါသည်။ ထို့နောက် Next ထပ်ပေးပါက (ပုံ-၆)ပါအတိုင်း မြင်တွေ့ရမည်ဖြစ်ပြီး Next ထပ်ပေးပါက (ပုံ-၇)ပါအတိုင်း မြင်ရမည်ဖြစ်ပါသည်။

(ပုံ-၆)

(ပုံ-၇)

ဤအဆင့်သည် နောက်ဆုံးအဆင့်ဖြစ်ပြီး Finish ဆိုပါက မိမိတို့အနေဖြင့် My Computer အား  ပြန်လည်ဖွင့်ကြည့်ရာတွင် Data D အား မြင်တွေ့ရမည်ဖြစ်ပါသည်။

Data D အားခွဲထားခြင်းဖြင့် မိမိတို့ စက်တွင် window error များဖြစ်ပေါ်လာ၍ မဖြစ်မနေ window ပြန်တင်ရသည့်အခါ မိမိတို့ စက်အတွင်းရှိ အရေးကြီးအချက်အလက်များ ပြန်လည်ရယူနိုင်ရန် များစွာအထောက်အကူ ဖြစ်စေပါသည်။

ထိုနည်းဖြင့် Partition အား မိမိတွင် space ရှိသလောက် မိမိကြိုက်သလို ခွဲယူနိုင်ပါသည်(C,D,E,F စသည်ဖြင့်)။

 

(ကျေးဇူးတင်ပါသည်)

ဦးအောင်ကျော်မြင့်

09676631333